ڕاگەیاندنی زانکۆ

ڕۆژی چوارشەممە ڕێكەوتی ١٧/ ١٢ / ٢٠١٤  لەزانكۆی ڕاپەڕین بەبۆنەی ساڵوەگەڕی هەڵكردنی ئاڵای پیرۆزی كوردستان و ڕێزگرتن لەكەس و كاری سەربەزی شەهیدانی ناوچەكە، زانكۆی ڕاپەڕین وەك وەفایەك بەرامبەر بەو پۆلە شەهیدەی كە لەجەنگی دژ بەتاریكی و تیرۆر و تۆقاندن شەهیدبوون مەراسیمێكی شایستە ڕێكخرا .

سەنتەری فێرکردن و فێربوون، تەکنەلۆجیای زانیارییەکان و پرۆگرامی تواناکانی پەیوەندی کردن لە زانکۆی ئەمریکی لە بەیروت ( پێنجەمین کۆنفرانسی نێودەوڵەتی لەسەر کاریگەری فێرکردن و فێربوون لە خوێندنی باڵادا) ساز دەکات لە بەرواری ٦-٧ / ٢ / ٢٠١٥ لە کامپەسی زانکۆدا.

زانكۆی ڕاپەڕین ناوەندێكی زانستی و ئەكادیمی تازە دامەزراوە ، ستافی زانكۆ و لایەنە پەیوەندیدارەكان لەهەوڵی بەردەوامدان لە پێناو بەرزكردنەوەی ئاستی زانكۆكە لە بوارە زانستیەكان ، بەئامانجی ئامادەكردنی نەوەیەكی نوێی خوێندكاران كە بە توانابن و ئاشنابن بە زانست و تەكنەلۆجیای پێشكەوتووی سەردەمیانە.
زانكۆی ڕاپەڕین لەئێستادا لەچوار فاكەڵتی و یەك سكوڵ پێكدێت ، فاكەڵتی زانست و فاكەڵتی پەروەردەی بنەڕەت و فاكەڵتی زانستە مرۆڤایەتیەكان و فاكەڵتی پەروەردە – قەڵادزێ و سكوڵی پەرستاری ،ئەم زانكۆیە دەوامی خوێندنی ئێوارانی تێدا دەكرێت، تا ئێستا زانكۆی ڕاپەڕین سێ‌ خولی دەرچووانی هەبووە و خوێندنی باڵا لەم زانكۆیەدا كراوەتەوە .
زانكۆی ڕاپەڕین لە سەرەتای دروستبوونیەوە تا ئێستا لە فراوانبوون و گەشەسەندنی بەردەوامدایە ، بۆ ئەو مەبەستەش چەندین پڕۆژەی گرنگ و بایەخدار لە زانكۆدا جێبەجێ كراون و هەندێكیان لە ئێستادا لە قۆناغی جێبەجێ كردندان .