د. نجم الدين محمد سعيد مامۆستا لە بەشى ئەندازياری شارستانی - زانکۆی ڕاپەڕین، تویژینەوەیەکى تازەی لە بواری ئەندازیاری لەژێر ناونیشانی (Simultaneous Displacement and Internal Force Prescription in Shape Control of Pin-Jointed Assemblies)  لە گۆڤارى”AIAA Journal”  بڵاودەکاتەوە کە گۆڤارەکە ئەمریكیە و یەکێکە لەو گۆڤارانەى لەلایەن دامەزراوەی ( HYPERLINK "http://arc.aiaa.org/loi/aiaaj" American Institute of Aeronautics and Astronautics) بلاودەکرێتەوە و چاپ دەكرێت واتە پەيمانگاى ئەمريكى زانستى و زانستى ئاسمانگەرى.

بەپێی سیستەمی رانکی وێب ماترێکس بۆ وێب سایتی زانکۆکانی جیھان، کە لەوڵاتی ئیسپانیا سەرپەرشتیدەکرێت، زانکۆی راپەڕین بۆ مانگی تەمموزی ٢٠١٦ لەسەر ئاستی عێراق لە پلەبەندی (١٦) و لەسەر ئاستی کوردستانیش لە پلەبەندی (٥)ی زانکۆکان دانرا.

بەئامانجى ڕەچاوکردنى حەز و ئارەزوەکانى خوێندکار و پێدانى سەربەخۆى زیاتر  بەزانکۆکان و، بەفیڕۆنەدانى هەوڵ و تواناکانى مامۆستا و خوێندکار و خەرجیەکى زۆر، بۆ یەکەمین جار لەسەر پێشنیازى د.یوسف گۆران وەزیرى خوێندنى باڵا و توێژینەوەى زانستى و بەبڕیارى ئەنجومەنى وەزارەت، وەزارەتى خوێندنى باڵا و توێژینەوەى زانستى هەرێمى کوردستان لە ساڵى نوێى خوێندنەوە سیستمى وەرگرتنى زانکۆیى جێبەجێ دەکات.

لەو چوارچێوەیەدا وەزارەتى خوێندنى باڵا و توێژینەوەى زانستى، بەئیمزاى د.یوسف گۆران وەزیرى خوێندنى باڵا و توێژینەوەى زانستى ڕێنمایى ژمارە (١٠)ى ساڵى (٢٠١٦) تایبەت بەوەرگرتنى زانکۆیى بەنوسراوى ژمارە (١١٠٤٣) پەسند کرد.

لەو ڕێنمایەدا خاڵە سەرەکیەکانى سیستمى وەرگرتنى زانکۆیى و ئەو بەشانە دەستنیشان کراوە کە لە ساڵى خوێندنى (٢٠١٦-٢٠١٧) خوێندکار بەشێوەیەکى ڕاستەوخۆ وەردەگرن.