زانکۆی ڕاپەرین لە پێناو خزمەتکردنی زیاتری خوێندکاران و ساڵانە بەشێوەیەکی بەردەوام لە ڕێگەی لیژنەیەکی پسپۆڕو ڕاهێنراو هاوکاری خوێندکاران دەکات لە پڕکردنەوەی فۆڕمی زانکۆلاین بەبێ بەرامبەر.

 لە نێوان رۆژای ١٥-١٨/١٠ / ٢٠١٤ لە شاری دبلنی پایتەختی ئیرلەندا، کۆنفرانسی نێودەوڵەتی یەك دونیایی گەنج بەرێوەچوو. لە کوردستاندا نزیکەی ٢٣ نوێنەر لە زۆربەی شار و ناوچەکانی کوردستان بەشدارییان تێداکرد. (م.ی. رەوەز محمود رەسول) وەک نوێنەری زانکۆی راپەرین بەشداری لە کۆنفرانسەکەدا کرد. نوێنەرانی کوردستان بە چروپری بەشداری لە بەرنامەکانی کۆنفرانسەکەدا کرد و توانیان کێشە و گرفتەکانی کوردستان بە زۆربەری نوێنەرانی دونیا بگەیەنن، بەتایبەتی کێشەی ئاوارەکانی شەنگال و یەزیدیەکان، هاوکات پەلاماری تیرۆریستانی داعش و کاریگەریەکانی لەسەر کوردستان بۆ ئامادەبوانی کۆنفرانسەکە رونکرایەوە.

ڕۆژی چوار شەممە ٥ / ١١ / ٢٠١٤ بەڕێوەبەرایەتی پەیوەندیەکان و ڕاگەیاندنی زانکۆ سیمینارێکی لەسەر چۆنیەتی پێشکەشکردن و مەرج و ڕێنماییەکانی پڕۆگرامی (ئیراسمۆس مەندۆس-مەرحەبا ) سازکرد. سیمینارەکە لەلایەن (مامۆستا ئاراز رەمەزان) بەڕێوەبەری بەڕێوەبەرایەتی پەیوەندیەکان،ڕاگەیاندن و چاپەمەنیەکانەوە پێشکەشکرا بە ئامادەبوونی ژمارەیەک لە مامۆستایان و فەرمانبەران و خوێندکارانی زانکۆی راپەڕین .

ئەم پرۆگرامە لەلایەن یەكێتی ئەوروپاوە پارەی بۆ دابینكراوە. كۆی پرۆگرامەكە 17 زانكۆ لە خۆدەگرێت لە  وڵاتانی تری وەك ئیسپانیا، بەریتانیا، ئەڵمانیا، ئێران، پۆرتوگال، ئیتالیا، فەڕەنسا، بولگاریا و پۆڵەندا، ...هتد .