(پێشەوا کاکەیی ) فەرمانبەرلە زانکۆی راپەڕین - کۆلێژی پەروەردەی قەڵادزێ، کتێبی «لە پەنجەرەوە، دەڕوانمە گوێدرێژەکەی نالی» چاپ و بڵاودەکاتەوە. کە ئەم کتێبە، دوازدەیەمین بەرهەمی نووسەر و شاعیرە. کاری ڕێنووس و هەڵەچنی «وشیار عەلی» و کاری بەرگ «ئیبراهیم ساڵح» ئەنجامیان داوە و لە چاپخانەی کارۆ چاپ کراوە.

لە ڕۆژانی ٦-٧ی ئاداری ٢٠٢٢، سێ مامۆستای زانكۆی راپەڕین بەتوێژینەوەیەكی زانستی لە کۆنفرانسێکی نێودەوڵەتی زانکۆی کۆیە بەشداربوون، کە لەژێر ناونیشانی (گۆڕانکارییە ئاو و ھەواییەکان و مەترسییە ژینگەییەکانی لە ڕوانگەی جوگرافیاوە) بەڕێوەچوو .

ئەمڕۆ دوو شەممە ٧ی ئاداری ٢٠٢٢، بە ئامادەبوونی بەڕێز (پ.ی.د. موفق خالید ابراهیم) سەرۆکی زانکۆی ڕاپەڕین و ئەندامانی ئەنجومەنی زانکۆ و ڕێکخراوەکانی گەنجان و کۆچ و کۆچبەرانی سنورەکە و ژمارەیەک لە مامۆستایان و خوێندکارانی زانکۆ ، بەشی جوگرافیا لە کۆلێژی زانستە مرۆڤایەتییەکان، وێرکشۆپێکی بەناونیشانی (ڕەهەندەکانی کۆچی گەنجان لە هەرێمی کوردستانەوە بەرەو هەندەران ) ڕێکخست.