ئەمڕۆ، ڕێکەوتی ١٠ی ٣ی ٢٠٢٢، چوار مامۆستای زانکۆی ڕاپەڕین بە ٢ توێژینەوەی جیاواز بەشداریان لە کۆنفرانسی نێودەوڵەتی International Conference on English, Literature, and Translation Studies لە زانکۆی کۆمار بۆ زانست و تەکنەلۆژیا کرد.

یەکێک لە توێژینەوەکان بە ناونیشانی Kurdish EFL Students’ Perceptions about the Use of E-learning During the Covid-19 Lockdown لە لایەن د. هاوڕاز قادر و مامۆستا هادی حسێن پێشکەشکرا. هەروەها توێژینەوەیەکی تریش بە ناونیشانی Investigating the Quality of Language Tests; Calculating the Reliability Coefficient of Placement Test as a Case Study لە لایەن د. جەمال علی و مامۆستا سەردار عبدالله پێشکەش کرا.

جێگەی ئاماژەیە ئەم کۆنفرانسە لە زانکۆی کۆمار بۆ ماوەی دوو ڕۆژ بەردەوامی هەبوو لە ڕۆژانی ٩ و ١٠ی ٣ بەڕێوەچوو. توێژەران لە ژمارەیەک وڵاتی جیاوازەوە هاتبوون لەوانە ئیسپانیا و عوممان و ئەردەن و تورکیا و ئۆکرانیا. لە کۆتایدا بڕوانامەی بەشداربوون پێشکەش بە توێژەران و ڕێکخەرانی کۆنفرانسەکە کرا.

ئەمڕۆ چوار شەممە (٩ی ئاداری ٢٠٢٢) لەهۆڵی چالاكییەكانی زانكۆ، بەئامادەبونی (پ.ی.د. موفق خالد ابراهیم) سەرۆكی زانكۆی راپەڕین و ژمارەیەك لەئەندامانی ئەنجومەن و خوێندكاران و مامۆستایانی هەردو بەشی ئینگلیزی لەكەمپەسی رانیە و قەڵادزێ-ی زانكۆی راپەڕین، سێیەمین كۆنفڕانسی دیبەیتی ئەكادیمی بەسەرپەرشتی بەشی ئینگلیزی كۆلێژی پەروەردەی بنەڕەت و بەسپۆنسەری كۆمەڵگای پەروەردەیی فام بەڕێوەچوو.

لەدرێژەی کەروچالاکیەکانی بەڕێوەبەرایەتی راگەیاندنی زانکۆی راپەڕین، هۆبەی ڕاگەیاندنی کۆلێژی پەروەردە لەكەمپەسی قەڵادزێ ڕۆژی (7ی شوباتی 2022)، خولێکی جواننوسی بۆ خوێندکارانی بەشی پەروەردەو دەروونزانی کۆلێژی پەروەردە کردەوە.