راگەیاندنی زانكۆ

رۆژی (٢٠١٦/٩/٢٩) زانكۆی راپەڕین یاداشتێکی لێكتێگەیشتنی لەگەڵ زانكۆی (Cagliari)ی لەوڵاتی ئیتاڵیا ئیمزاكرد و چەند پڕۆژەیەكی ئاڵوگۆڕی خوێندكارو ستافی ئەكادیمیان ئیمزاكرد.
مامۆستا ئاراز رەمەزان بەڕێوەبەری پەیوەندییە نێودەوڵەتییەكان و راگەیاندنی زانكۆی راپەڕین ڕایگەیاند لە میانی خوێندنی كۆرسێكی زانستی دەربارەی پەیوەندییە نێودەوڵەتییەكان و خوێندنی ئەوروپی كە لەرێی زەمالەی ئیراسمۆسەوە بۆی دەرچووبوو ماوەی مانگێك لەزانكۆی (Cagliari)ی لەوڵاتی ئیتاڵیا مایەوەو لەو ماوەیەشدا سەرەڕای چەند سیمینارێكی زانستی دەربارەی كورد و رۆڵی لەرووبەڕوبوونەوەی شەڕی دەوڵەتی ئیسلامی لەعێراق و شام، لە فاكەڵتی زانستە سیاسییەكان بۆ خوێندكاران و مامۆستایان پێكەشكردووە.

ڕاگەیاندنی زانکۆ

لەرۆژانی (٢٦-٢٨ / ٩ / ٢٠١٦)، بەڕێوەبەری سەنتەری گەشەپێدانی كار لە زانكۆی ڕاپەڕین بەشداری لەكۆنفرانسی زانستی خوێندنی باڵای عێراقی كرد، کۆنفرانسەکە لەلایەن رێكخراوی ( IREX) و بەهاوكاری بالێوزخانەی ئەمریكا لەعێراق رێكخرابوو. 

كۆنفرانسەكە ماوەی سێ ڕۆژ بەردەوام بوو، بەبەشداری ٢٥ زانكۆی عێراق و ئامادەبوونی وەزیری خوێندنی باڵای عێراقی و باڵیۆزی ئەمریكا و نوێنەری وەزارەتی خوێندنی باڵاوتوێژینەوەی زانستی هەرێمی كوردستان و چەندین ئەكادیمیستی تر.
ئامانج لەكۆنفڕانسەكە زیاتر بەرەوپێشچوونی زانكۆكان و ریفۆرمی خوێندن بوو لە زانكۆكان و بەرزنرخاندنی كارەكانی رێكخراوی ئایرێكس كە لەماوەی ڕابردووددا پاڵپشتی زانكۆكان بووە، لەبەشێكی دیكەی كۆنفڕانسەكەدا تێشكخرایە سەر چارەسەری ئاستەنگەكانی بەردەم پڕۆسەی خوێندنی  باڵا لە عێراق.

راگەیاندنی زانكۆ

مامۆستایەكی زانكۆی راپەڕین لەشاری ڤارنای وڵاتی بولگاریا لەرۆژانی (١٤-١٧ / ٩ /٢٠١٦) بەتوێژینەوەیەكی زانستی بەشداری كۆنگرێسی زانستی نێودەوڵەتی كرد.