بەپێی نوسراوی ژمارە (5414) كە ئەمڕۆ (29ی ئاداری 2023) بەفەڕمی وەزارەتی خوێندنی باڵاو توێژینەوەی زانستی ئاڕاستەی زانكۆ حكومیەكانی هەرێمی كوردستان كردوە، تیایدا كاتی پێشكەشكردن و تاقیكردنەوەی توانستی زانستی و دەستپێكی خوێندنی باڵای رونكراوەتەوە.

بەمەبەستی تاوتوێکردنی دواین هەنگاوەکانی ئامادەکاری بۆ ڕاگەیاندنی خوێندنی باڵا، دبلۆمى باڵاى یەک ساڵەى ئەکادیمى، ماستەر و دکتۆرا، بەسەرپەرشتی وەزیری خوێندنی باڵا کۆبونەوەیەک لەگەڵ یاریدەدەری سەرۆک زانکۆکانی کوردستان بۆ کاروباری زانستی ، بەڕێوەچوو.

گروپێك لەتوێژەرانی كۆلێژی زانست لەزانكۆی راپەڕین، تازەترین توێژینەوەی زانستی خۆیان لەگۆڤاری (Journal of Molecular Structure) بڵاوكردەوە كە ئیمپاكت فاكتەری (3.841)و لەچارەگی دوەمی گۆڤارەكانی سیماگۆدایەو لەسكۆپەس و كلاریڤەیت و چەندین دامەزراوەی نێودەوڵەتی دیكە ئیندێكس كراوە.