پڕۆگرامی (FLTA) ی تایبەت بەوتنەوەی زمانی بیانی پڕۆگرامێكی ( ٩ ) مانگییە كە تیایدا مامۆستایانی بەشداربوو بڕانامەیان پێنابەخشرێت ، ئەم پڕۆگرامە دەرفەتێكە بۆ مامۆستایانی زمانی ئینگلیزی بۆئەوەی پەرە بەتواناكانیان بدەن لەبواری وتنەوەی وانەی زمانی ئینگلیزی و پێشخستنی لێهاتووی لەو بوارەدا، هەروەها بۆئەوەی مامۆستایانی بەشدار بتوانن زانیاری زیاتر بەدەستبهێنن لەبارەی كەلتوری كۆمەڵگای ئەمریكا. سەرجەم ئەم چالاكیانە لەكاتی بەشداربوون وەك وانەبێژی یاریدەدەر بۆ زمانی عەرەبی بۆ خوێندكارانی ئەمریكی بەڕیوەدەچن، هەروەها دەرفەتێكیشە بۆ بەهێزكردنی وتنەوەی وانەی زمانی بیانی لە زانكۆو كۆلێژەكانی ئەمریكا.

پڕۆگرامی هاوبەشیپێكردنی Hubert H. Humphrey هەلێكی باش دەڕەخسێنێت بۆ فێرخوازان تا پەرە بەتواناكانیان بدەن لە ڕێگەی بەشداریكردنی پرۆگرامێكی ١٠ مانگی تایبەت بۆ فێرخوازانی مامناوەندی لە هەندێ زانكۆی هەڵبژێردراوی ئەمریكا.

ڕۆژی یەكشەممە ٧ / ٦ / ٢٠١٥ لەسەرجەم فاكەڵتی و سكوڵ و بەشەكانی زانكۆی ڕاپەڕین، یەكەم تاقیكردنەوەی كۆتایی ساڵ ئەنجامدرا.