ڕۆژی سێشەممە ٢٠/ ١ / ٢٠١٥ لەسەر بانگهێشتی بەڕێوەبەرایەتی پەیوەندییەکان و ڕاگەیاندنی زانکۆ وەفدێکی کونسوڵگەری گشتی ئەمریکا لە هەرێمی کوردستان – عێراق کە پێکهاتبوو لە بەڕێزان (ڕێڤینگ مزوری) ڕاوێژکاری زانستی و خوێندن، (دلێر علی حمد) تایبەتمەند لە کاروباری ڕۆشنبیری کونسولگەری گشتی ئەمریکا لە هەرێمی کوردستان سەردانی زانکۆی راپەڕین-یان کرد.

 لە هۆڵی چالاكییەكانی زانكۆ لە فاكەڵتی پەروەردەی بنەڕەت، وەفدێكی كوسنوڵگەریی ئەمریكا سیمینارێك بۆ ستاف و خوێندكارانی قۆناغی چواری زانكۆی راپەڕین ئەمجامدەدات دەربارەی دەرفەتی خوێندن لەئەمریكا. مامۆستا ئاراز رەمەزان بەڕێوەبەری پەیوەندییەكان و راگەیاندنی زانكۆی راپەڕین بەماڵپەڕی زانكۆی راگەیاند كە ئامانج لە سیمینارەكە بۆ زیاتر ئاشناكردنی خوێندكاران و فەرمانبەرانی زانكۆی راپەڕینە بە سیستمی خوێندن لەئەمریكاو هەروەها چۆنێتی داواكردنی ڤیزاو ڕێكارە یاساییەكان لەڕێی كونسوڵگەریی گشتی ئەمریكا لەهەولێر، هەوەها ڕێڤینگ مزوری ڕاوێژکاری زانستی و خوێندن وتی: ئێمە مەبەستمانە لەسیمینارەكەدا ئەم بابەتانە بۆ ئامادەبووان بخەینەڕوو :

 * پڕۆگرامی ئاڵوگۆڕی خوێندكارانی عێڕاق
*  سیستمی پەروەردەیی لە ئەمریكا كە پێكدێت لە :
 * جۆرەكانی دامەرزراوەكانی خوێندنی باڵا لە ئەمریكا
*  شێوازی پۆڵێنكردنی زانكۆكان
 * سەرچاوە داراییەكان و تێچووی خوێندن
 * پرۆسەی هەڵبژاردنی زانكۆیەكی ئەمریكی
 * پرۆسەی وەرگیران لەزانكۆكانی ئەمریكا
 * وەرگرتنی مەرجدار لەهەندێك لەزانكۆكانی ئەمریكا بۆ خوێندكارانی تواناسازی و ئەوانەش كە زەمالەی خوێندنیان بەدەستهێناوە لەیەكێك لەزانكۆكانی ئەمریكا
  *پوختەیەك دەربارەی ئەو خزمەتە پەروەردەییانەی كە پێشكەش بەزانكۆكانی هەرێمی كوردستان كراون. 

دلێر حمد تایبەت بە ماڵپەری زانکۆ وتی: ساڵانە حکومەتی ویلایەتە یەکگرتووەکانی ئەمریکا لە ڕێگای (١٢) پڕۆگرامی ڕۆشنبیری و کلتوری و زانستی دەرفەتی خوێندن و ئاڵوگۆڕی زانستی بۆ خوێندکاران و مامۆستایان و کارمەندانی حکومەت و کۆمەڵگای مەدەنی دەڕەخسێنێت.

ڕاگەیاندن و ڕۆشنبیری زانکۆ

گۆڤاری زانکۆی راپەڕین کە گۆڤارێکی زانستی و ئەکادیمی وەرزییەو لەلایەن زانکۆی راپەڕینەوە چاپ و بڵاودەکرێتەوە لەمانگی ١ /٢٠١٥دا ژمارە زنجیرەی پێوانەیی نێودەوڵەتی پێدرا.

ئاراز رەمەزان وتەبێژی زانکۆی راپەڕین و بەڕێوەبەری پەیوەندییەکان و راگەیاندنی زانکۆ بە ماڵپەڕی زانکۆی راگەیاند: گۆڤاری زانکۆی راپەڕین گۆڤارێکی زانستیی و ئەکادیمییەو لەساڵی ٢٠١٤دا یەکەم ژمارەی لێدەرچووەو تائێستاش (٢) دوو ژمارەی لێ بڵاوکراوەتەوە، وتیشی: بەھەوڵ و ھیمەتی بەڕێوەبەرایەتی پەرەپێدانی پڕۆگرامەکانی زانکۆمان توانرا لەمانگی ١ /٢٠١٥دا ژمارە زنجیرەی پێوانەیی نێودەوڵەتی بە ژمارە (ISSN 2410- 1036 Journal of Raparin University) بۆ گۆڤاری زانستی زانکۆی راپەڕین وەربگیرێت. ئاماژەی بۆ ئەوەشدا کە لەئێستادا گۆڤاری زانکۆی راپەڕین گۆڤارێکی زانستیی و ئەکادیمی باوەڕپێکراوە لەسەر ئاستی نێودەوڵەتی و وەک سەرچاوەیەکی زانستی دەتوانرێت ھەموو ئەو توێژینەوانەی تێیدا بڵاودەکرێنەوە بەکاربھێنرێن.

کاتژمێر ٩ی سەرلەبەیانی رۆژی یەکشەممە ١٨ / ١ /٢٠١٥، لەھۆڵی چالاکییەکانی زانکۆ لەفاکەڵتی پەروەردەی بنەڕەت، بە ئامادەبوونی پ.ی . د صباح ڕەشید یاریدەدەری سەرۆکی زانکۆ بۆ کاروباری زانستی و د. هێرش رسوڵ یاریدەدەری سەرۆکی زانکۆ بۆ کاروباری خوێندکاران و ژمارەیەک لە مامۆستایان و فەرمانبەران گفتوگۆی یەکەمین نامەی ماستەر لە بواری پەرستاری لە زانکۆی ڕاپەڕین کرا.