ئەمڕۆ دوو شەممە (27ی شوباتی 2023) باڵیۆز د. محەمەد سابیر، بەیاوەری ئەندامانی سەركردایەتی یەكێتی نیشتمانی كوردستان هەریەك لەبەڕێزان (احمد زرار) لێپرسراوی مەڵبەندی (24)ی راپەڕین و خاتوو (پەروین بابەكر) سەردانی زانكۆی راپەڕینیان كردو لەلایەن سەرۆكی زانكۆ بەڕێز (پ.ی.د. پەیمان رمضان احمد) و ژمارەیەك لەئەندامانی ئەنجومەنی زانكۆو بەڕێوەبەرەكانەوە پێشوازیان لێكرا.

ئەمڕۆ یەکشەممە (٢٦ی شوباتی ٢٠٢٣) سێنتەری پەرەپێدان و زمان لەهۆڵی چالاکییەکانی زانکۆ، سیمپۆزیۆمێکی گرنگ و هەنوکەیی بەناونیشانی "هەڵسەنگاندنەکانی ئایەڵتس: ڕێنماییە گرنگەکان و هەڵەباوەکان" ڕێکخست.

مامۆستا (ڕاز عەزیز ئەحمەد) مامۆستا لە بەشی زمانی کوردی کۆلێژی پەروەردەی بنەڕەت کتێبێک بە ناونیشانی (جوت دەنگیی لە ڕوانگەی فۆنۆلۆژیی بەرهەمهێنان لە زمانی کوردیدا) بڵاودەکاتەوە، ناوەڕۆکی کتێبەکە باس لە دیاردەی بەیەکەوەهاتنی دو کۆنسۆنانتی هاوشێوە دەکات، کە تیایدا لە دیاردەی جوت دەنگیی بەگشتی و لە زمانی کوردیدا بەتایبەتی بەپێی ڕوانین و پڕەنسیبەکانی تیۆری فۆنۆلۆژیی بەرهەمهێنان، دەکۆڵێتەوە. هەروەها سروشت و چەشن و پێکهاتەی ئەم دیاردەیە و چەشن و بەبەرهەمی هەریەک لە دەنگە کۆنسۆنانتەکان لە دروستکردنی ئەم دیاردەیەدا لە زمانی کوردیدا، خراوەتەڕو.