مامۆستایەكی زانكۆی راپەڕین بەشداری خولێكی راهێنانی لەهیندستان كرددوابەدوای پێشکەشکردنی داواکاری بۆ سکۆلەرشیپی ئای تێک لەوڵاتی ھیندستان تایبەت بەچەند خولێكی راهێنان، مامۆستایەكی زانكۆی راپەڕین بەشداریکرد لەخولی راهێنانی ( Industrial Environment Management Through Techno - Managerial and Policy Choices) لە شاری چێنای بۆ ماوەی ( ٣٥) ڕۆژ لە بەرواری ( ١١/٧/٢٠٢٢ بۆ ١٢/٨/٢٠٢٢).
کۆرسەکە لەلایەن ( Dr.Ambedkar Institute & National Productivity Council ) ەوە بەڕێوەچو لەژێر چاودێری وەزارەتی دەرەوەو  وەزارەتی پیشەسازی بازرگانی ھیندستان.
پڕۆگرامە چەندین بابەتی زانستی و ئەندازیاری و شەش گەشتی مەیدانی بۆ پڕۆژەو دامەزراوەکانی بوارێ وزەو ڕیسایکلین لەوڵاتی ھیندستان لەخۆگرتبو، بەبەشداری ٢٤ بەشداربو لە ١٣ وڵاتی جیاواز.
لەچوارچێوەی پڕۆگرامەکەدا ( م.ی ئاراز احمد ھمزە) مامۆستا لەبەشی ئەندازیاری شارستانی زانكۆی راپەڕین كە بەشداربوی خولەكەبو بۆ زیاتر ئاشناکردنی بەشداربوانی پڕۆگرامەکە بەبارودۆخی ژینگەی عێراق و کوردستان چەند سیمینارێکی پێشکەش کرد بەنانیشانی: باردۆخی سەرچاوەکانی ئاو لەعێراق Water Sustainability in Iraq) ،( ٢. Solid waste Management Challenges in Kurdistan), ( ٣. Waste Water System in Kurdistan)
لەکۆتای پڕۆرامەکەدا لە لایەن ئەکادیمیای نیشتیمانی بەرھەمھێنان بڕوانامەو ڕێزلێنان بەخشرا بەبەشداربوان لەپای بەشداریکردن لەپڕۆگرامەکەدا.

مامۆستایەكی زانكۆی راپەڕین، توێژینەوەیەكی زانستی بڵاوكردەوە

مامۆستایەكی بەشی ئینگلیزی لەكۆلێژی پەروەردەی زانكۆی راپەڕین، تازەترین توێژینەوەی خۆی لەگۆڤارێكی زانستی بڵاوكردەوە.
دكتۆر (هاوڕاز قادر حەمە) تازەترین توێژینەوەی خۆی بەناونیشانی (Demotivating Factors of Learning English in Classroom: A Case of University Students in Kurdistan Region of Iraq) لەگۆڤاری (International Journal of Social Sciences & Educational Studies) بڵاوكردەوە.
ئامانجی سەرەکی ئەم توێژینەوەیە دەرخستنی ئەو فاکتەرانەیە کە وا لەخوێنکارانی زانکۆ دەکەن لەفێربونی زمانی ئینگلیزی سارد ببنەوە. هەروەها توێژینەوەکە هەوڵیداوە کاریگەری جیاوازی جێندەری لەسەر فاکتەرەکان بدۆزێتەوە.
بۆ ئەم مەبەستە داتای پێویست بۆ توێژینەوەکە لەرێگەی راپرسی و چاوپێکەوتنەوە کۆکراوەتەوە. لەئەنجامدا کۆمەڵێک فاکتەر دەرکەوتون کە وا لەخوێندکارانی زانکۆ دەکەن لەفێربون زمانی ئینگلیزی سارد ببنەوە، هەروەها جیاوازی جێندەری هیچ کاریگەریەکی ئەوتۆی نەبوە لەسەر شێوازی فاکتەرەکان.

كلیك لەم لینكە بكەن بۆ خوێندنەوەی توێژینەوەكە:
https://ijsses.tiu.edu.iq/index.php/volume-9-issue-3-article-15/

نەتەوە یەكگرتووەكان وێركشۆپێك بۆ بەهێزکردنی توانای ژنانی ئاشتی پارێز لەقەیرانە ئاڵۆزەکاندا رێكدەخات
بەشی ژنانی  سەر بەنەتەوە یەکگرتوەکان بەهاوکاری لەگەڵ کۆمەڵێک ڕێکخراوی دیكەی وەكو (UNAOC and UNFPA) دەستپێشخەریەک بۆ بەهێزکردنی توانای ژنانی ئاشتی پارێز ڕادەگەیەنێت، بەسازدانی وێرکشۆپێکی چوار ڕۆژە لەمانگی ١١\٢٠٢٢ لەوڵاتی جۆرجیا.
ئامانج لەچالاكیەكە پەرەپێدانی تواناو پشتگیری ژنانە كە سەركردایەتی رێكخراوەكانی كۆمەڵی مەدەنی دەكەن لەوڵاتانی بێهێز یان وڵاتانی كاریگەر لێكراو بەململانێكان. چالاکیەکە گرنگی دەدات بەبوارەکانی کۆکردنەوەی هاوکاری دارایی، ڕەخساندنی دەرفەتی ئاڵوگۆڕی، دروستکردنی پەیوەندی فراوانترو ئاڵوگۆڕی ئەزمونی ژنانی ئاشتی پارێز.
لەدوای پێشكەشكردنی فۆڕمی داواكاری، ٢٥ ژنی گەنج هەڵدەبژێردرێن بۆ بەشداریکردن لەڕاهێنانێکی ٤ ڕۆژە کە لەکۆتایی ساڵی ٢٠٢٢ لەتبلیسی پایتەختی جۆرجیا بەڕێوەدەچێت.
مەرجەكانی بەشداریكردن:
1.  پێویستە تەمەنت لەنێوان 18 بۆ 30 ساڵیدا بێت.
2.  هەڵگری ناسنامەی عێراقی بیت.
3.  پێشتر گرانت و پشتگیری دارایی نەتەوە یەكگرتووەكانت وەرنەگرتبێت.
4.  دامەزرێنەر یان ئەندامێکی سەرەکی بێت لەڕێکخراوێکی کۆمەڵگەی مەدەنی کە کار لەسەر بنیاتنانی ئاشتی، مافی مرۆڤ، مافی ژنان، مافی گەنجان، یان بابەتی پەیوەندیدار دەکات.
5.  زانیاری کارکردنت هەبێت لەزمانەکانی ئینگلیزی، فەرەنسی، یان ئیسپانی.
6.  پێویستە پێش (15ی ئابی 2022) فۆڕمی بەشداریكردن پڕبكەیتەوە.  بۆ زانیاری زیاترو داواکاری پێشکەشکردن کلیک لەم بەستەرەی خوارەوە بکەن:
https://docs.google.com/forms/d/e/1FAIpQLSeGI31UG7CirFWhj0gT8XsFuFYyHYXNsdU8DOLStMs7SrUNPw/viewform