سەرۆکایەتی زانکۆی ڕاپەڕین، ئاگاداری سەرجەم خوێندکاران لەسەرجەم بەش و كۆلێژەكان دەکاتەوە، کە رۆژانی (٢٥ - ١٢ - ٢٠١٨ و ٦ – ١- ٢٠١٩ ) ئەگەر پشوی فەرمیش ڕابگەیەنرێت، ئەوا دەوامی خوێندکاران ئاسایی دەبێت و خوێندن لە زانکۆمان بەردەوام دەبێت.
سەبارەت بە دەوامی فەرمانبەرانیش وەک سەرجەم دام و دەزگا و فەرمانگەکانی تری حکومەتی هەرێمی کوردستان دەبێت.

سەرۆكایەتی زانكۆی راپەڕین
٢٣ – ١٢ - ٢٠١٨

بەڕێوەبەرایەتی چالاکی وەرزشی و ڕۆشنبیری لە زانکۆی ڕاپەڕین، ئاگاداری گشت مامۆستایان و خوێندکاران و فەرمانبەرانی زانکۆ دەکات، لە چوارچێوەی کاروچالاکییەکانیدا بۆ جاری سێیەم گەشتی چوونە سەرشاخ ڕێکدەخات، ڕۆژی پێنج شەممە (٢٩ / ١١ / ٢٠١٨ ) ، هەرکەس ئارەزووی بەشداریکردنی هەیە سەردانی بەڕێوەبەرایەتی چالاکی وەرزشی و ڕۆشنبیری بکات لە سەرۆکایەتی زانکۆ بە مەبەستی ناونووسین.

چالاکییەکە بۆ ناوچە شاخاوییە جیاجیاکانی کوردستان ئەنجام دەدرێت و ماوەی چەند هەفتەیەک بەردەوام دەبێت، لە هەر هەفتەیەکدا یەک ڕۆژ گەشتەکە ئەنجام دەدرێت.

بەڕێوەبەرایەتی تۆماری گشتی زانکۆی ڕاپەڕین، ئاگاداری دەرچوانی پۆلی (١٢) ئەوانەی پێشکەشی پارالێڵیان کردوە لە زانکۆی ڕاپەڕین و لە زانکۆو پەیمانگاکانی تر وەرگیراون، سەردانی تۆماری گشتی زانکۆی ڕاپەڕین بکەن بۆ کاری پێویست، لە رۆژی دووشەممە (١٩ / ١١/ ٢٠١٨) بۆ رۆژی پێنج شەممە (٢٢ / ١١ / ٢٠١٨) ، کاتژمێر ٨:٣٠ بۆ (١) ی دوانیوەڕۆ.