ڕۆژی سێ شەممە ڕێکەوتی ٢٤ی کانونی دووەمی ٢٠٢٣، بە ئامادەبونی بەڕێز (پ.ی.د. هاوڕاز قادر حمە) ڕاگری کۆلێژی پەروەردە و ژمارەیەک لە مامۆستایان و خوێندکارانی خوێندنگای ئامادەیی کوێستان لەشاری قەڵادزێ ، بەشی پەروەردە و دەروونزانی لە کۆلێژی پەروەردەی قەڵادزێ سیمینارێکی بەناونیشانی (چۆن دەبیت بەتاکێکی سەرکەوتوو) ڕێکخست.

بەڕێوەبەرایەتی پەیوەندیەکانی زانکۆی ڕاپەڕین لە چوارچێوەی هەماهەنگی لەگەڵ زانکۆی ئەلمیریا لە وڵاتی ئیسپانیا، دەرفەتی بەشداریکردن دەڕەخسێنێت بۆ (١) فەرمانبەر ستافی زانکۆ بۆ بەشداریکردن لە هەفتەی بەنێودەوڵەتیکردن لە زانکۆی ناوبراو لە وڵاتی ئیسپانیا کە لە 8-12 ی مانگی ئایار بەڕێوەدەچێت. زانکۆی ڕاپەڕین هیچ خەرجیەك بۆ بەشداربوو ناگرێتە ئەستۆ؛ بەشدار بوو تەنها سودمەند دەبێ لە پارەی پڕۆژەکە کە زانکۆی میواندار دابینی دەکات.