وێرکشۆپی بەرەو بنیادنانی ژێرخانی ئەلیكترۆنی زانكۆ رێكخرا

ئەمڕۆ یەكشەممە (8- 1 - 2023) بەشی زانستی كۆمپویتەرو بەڕێوەبەرایەتی ئامارو ئایتی زانكۆی راپەڕین لەهۆڵی چالاكیەكانی كۆلێژی زانست، وێركشۆپێكیان لەژێر ناونیشانی (بەرەو بنیادنانی ژێرخانی ئەلیكترۆنی زانكۆ) رێكخست.
لەسەرەتای وێركشۆپەكەدا وتاری راگرایەتی كۆلێژی پەروەردەی بنەڕەت لەلایەن بەڕێز (پ.ی.د. ساكار محمد حسن) راگری كۆلێژی پەروەردەی بنەڕەت پێشكەشكرا، دواتر وتەی كردنەوەی وێركشۆپەكە لەلایەن بەڕێز (م.ی. شایان احسان) پێشكەشكرا.
وێرکشۆپەکە لەیەك پانێل پێكهاتبوو، كە لەلایەن بەڕێز (م.ی. محمد حسین میرە) بەڕێوەبرا، و سێ سیمینار پێشكەشكران، سیمیناری یەكەم لەلایەن بەڕێز (م.ی. هیوا احمد عزیز) دەربارەی (چۆن سیستەمی ئەلیكترۆنی سەركەوتو دەبێت) پێشكەشكرا، دواتر لەژێر ناونیشانی (سیستەمی ئەلیكترۆنی فێربون و گرنگی لەزانكۆدا) لەلایەن بەڕێز (م. پێشەوا حسن محمود) پێشكەشكرا، سیمیناری كۆتایی لەلایەن بەڕێز (م.ی. ئاسۆ خلیل امین) بەناونیشانی (The ERP Services at the Ministry of Higher Education) پێشكەشكرا، دواتریش وێركشۆپەكە بەپرسیارو وەڵامی بەشداربوان كۆتایی پێهێنرا.

پڕۆگرامی ڕۆژهەڵاتی ناوەڕاست بە خۆشحاڵییەوە پێشبڕکێی ساڵی ٢٠٢٣ بۆ پرۆگرامی ڕۆژنامەنووسانی عەرەبی بۆ سەنتەری ویڵسن ڕادەگەیەنێت. پڕۆگرامەکە دەرفەت دەدات بە ڕۆژنامەنووسێکی عەرەب، یان ڕۆژهەڵاتی ناوەڕاست یاخود باکووری ئەفریقا کە هەڵدەبژێردرێت بۆ ئەوەی ٣ مانگ لە سەنتەری وودرو ویلسۆن، لە واشنتۆن دی سی نیشتەجێ بێت بەمەبەستی نوسین و لێکوڵینەوە سیاسیەکان. مەرجەکان و شایستەبوون • ئەم پێشبڕکێیە کراوەیە بۆ ئافەتان و پیاوان کە لە ڕۆژهەڵاتی ناوەڕاست یان باکووری ئەفریقا لە میدیا عەرەبیەکاندا کاردەکەن. • پێویستە کاندید لە ئێستادا وەک پەیامنێر یان نوسەر یان پەخشکار کار بکات. • پێویستە پێشکەشکار بەلایەنی کەمەوە پێنج ساڵ ئەزموونی پیشەیی هەبێت و بتوانێت بە هەردوو زمانی ئینگلیزی و عەرەبی قسە بکات و توانای نوسینی هەبێت بە هەردوو زمانەکە. • سەنتەرەکە هاوکار دەبێت لە پرۆسەی وەرگرتنی ڤیزا دا. دوا بەروار بۆ پێشکەشکردنی داواکاری: ١٥/١/٢٠٢٣ زانیاری زیاتر و شێوازی پڕکردنەوەی فۆڕمی بەشداریکردن لەم بەستەرەی خوارەوە دا بەردەستە: https://www.wilsoncenter.org/opportunity/visiting-arab-journalist-program

ڕۆژی پێنچ شەممە ٥ ی کانوونی دووەم ٢٠٢۳، گفتوگۆ و هەڵسەنگاندنی ماستەرنامەی خوێندکاری خوێندنی باڵا (هونەر محمدامین ابراهیم) لە بواری کارگێڕی و، فەرمانبەر لە سەرۆکایەتی زانکۆی ڕاپەڕین بەڕێوەچوو.