دوو توێژەری كۆلێژی زانست لەزانكۆی راپەڕین، توێژینەوەیەكی هاوبەشیان لەگەڵ دوو توێژەری زانکۆی سەلاحددین لەگۆڤارێكی ئاستی بەرزی نێودەوڵەتیدا بڵاوكردەوە.

ئەمڕۆ سێ شەممە ١٢ی کانونی یەکەمی ٢٠٢٣، بەڕێز (پ.ی.د. پەیمان رمضان احمد) سەرۆکی زانکۆ، بەیاوەری بەڕێز (پ.ی.د. پێشەوا حمید) یاریدەدەری سەرۆكی زانكۆ بۆ كاروباری خوێندکاران و بەڕێز (پ.ی.د. هەژار قادر ) یاریدەدەری سەرۆكی زانكۆ بۆ كاروباری خوێندنی باڵا، هۆڵەکانی تاقیکردنەوەی خوێندکارانیان لەگشت کۆلێژ و بەشەکانی زانکۆ بەسەرکردەوە.

ڕۆژی چوارشەممە ٦ی کانونی یەکەمی ٢٠٢٣، لە سەرۆکایەتی زانکۆ بەڕێز (پ.ی.د. پەیمان رمضان احمد) سەرۆكی زانكۆی راپەڕین، لەرێورەسمێكدا فەرمانی زانكۆیی بەرزكردنەوەی نازناوی زانستی بەژمارەیەك مامۆستای زانكۆی راپەڕین بەخشی.