وەزیرى خوێندنى باڵا و توێژینەوەى زانستى ڕایگەیاند: سەرکەوتنى پڕۆژەکانمان لەبوارى خوێندنى باڵا لەگەڵ ویلایەتە یەکگرتوەکانى ئەمریکا ماناى سەرکەوتنى ئیدارەدانى پەیوەندییەکى تەندروستە لەنێوان هەردولادا، وتیشى: بۆ سەرکەوتنى پڕۆژەکان دامەزراوەى (IREX) پشتیوان و هاوکارێکى جدی وەزارەتەکەمانە.

ئەمڕۆ دوو شەممە (٢٨ی ئابی ٢٠٢٣) لەهۆڵی چالاكییەكانی زانكۆی راپەڕین دایالۆگی بەریتانی-کوردی دەربارەی سەروەری یاسا بەهاوکاری کونسولگەری گشتی بەریتانیا لەهەرێمی کوردستان لەچوارچێوەی سیمپۆزیۆمێکی زانستیدا بەئامادەبونی سەرۆكی زانكۆو بەڕێز هیوا قەرەنی سەرپەرشتیاری ئیدارەی راپەڕین و مامۆستا غەریب احمد ئەندامی پەرلەمانی عێراق و لێپرسراوانی حكومی و حزبی و نوێنەری رێکخراوەکانی کۆمەڵگەی مەدەنی و ئامادەبوانێكی زۆر، بەڕێوەچوو.

ئەمڕۆ یەكشەممە (27ی ئابی 2023) خاتوو شێری كرام تاڵەبانی، سەرۆك و دامەزرێنەری رێكخراوی SEED FOUNDATION كە رێكخراوێكی گەشپێدانی كۆمەڵایەتی- پەروەردەیی و ئابورییە، سەردانی زانكۆی راپەڕینی كرد.
سەرەتا لەلایەن سەرۆكی زانكۆی راپەڕین بەڕێز (پ.ی.د. پەیمان رمضان احمد) و ژمارەیەك لەئەندامانی ئەنجومەنی زانكۆی راپەڕین پێشوازی لێكرا.
لەدیدارێكدا تاوتوێی پڕۆژەو كاری هاوبەش و پێكەوەیی و هەماهەنگی نێوان هەردوولا كرا. لای خۆشیەوە سەرۆكی دامەزراوەی SEED FOUNDATION ئامادەیی هاوكاری و پاڵپشتی بۆ زانكۆی راپەڕین و دەڤەری راپەڕین دووپاتكردەوە.
لای خۆشیەوە سەرۆكی زانكۆی راپەڕین و ئەندامانی ئەنجومەنی زانكۆ، وردەكاری و زانیاری پێویستیان لەسەر مێژووی زانكۆی راپەڕین و بەش و كۆلێژەكانی زانكۆكە خستەڕوو.