وتەبێژی خوێندنی باڵا ڕایگەیاند، بۆ ئەمساڵی خوێندن لە هەوڵداین بۆ ئەوەی کۆلێژی ئێواران لە زانکۆ حکومیەکان بکەینەوە و وەرگرتنى خوێندکار لەو کۆلێژانەش "پێنج" نمرە کەمترە لە بەیانیان.

بەپێی تازەترین ڕێنمایی وەزارەتی دارایی حکومەتی هەرێم ژمارە (٤۹/٤/۹) کە لە (۲۰۱٦/۱/۷) دەرچووە و ئاراستەی گشت وەزارەتەکان کراوە، کە تایبەتە بە خەرجی خوێندکارانی/خوێندنی باڵا، لە ڕێنماییەکەدا هاتووە خەرجی توێژینەوەی خوێندکارانی/خوێندنی باڵا بۆ (کۆلێژە زانستییەکان و مرۆڤایەتییەکان) لە بەرواری (۲۰۱٦/۱/۱) وە بەپێی ئەم خشتەیەی خوارەوە دەبێت، بەپێی ڕێنماییەکە خەرجی توێژینەوە تەنیا بۆ خوێندکارانی/خوێندنی باڵا ئەوانەی سەر بە زانکۆ حکومییەکانن خەرج دەکرێت و خوێندکارانی زانکۆ ئەهلییەکان ناگرێتەوە، هەروەک لە ڕێنماییەکەدا ئاماژە بۆ ئەوە کراوە کە خەرجی خوێندکارانی/خوێندنی باڵا بۆ ساڵانی پێشوو ئەگەر بەهەر هۆکارێک تا بەرواری (۲۰۱٦/۱/۱) خەرج نەکرابێت ئەوا بەپێی ئەم ڕێنماییە خەرجییەکانیان پێدەدرێت.

لە کۆبونەوەى ئەنجومەنى وەزارەتى خوێندنى باڵاو توێژینەوەى زانستیدا، ڕێنمایى پیدانى نازناوى زانستى پەسەندکرا، هەروەک گفتوگۆ لەبارەى چۆنییەتى زیادکردنى داهات و کەمکردنەوەى خەرجییەکان کرا، بۆ ئەوەش چەند بڕیارێکى گرنگ دران.