بە مەبەستی زانینی سەرنج و تێڕوانینی سەرجەم خوێندکاران سەبارەت بە جێبەجێکردنی پەیڕەوی هاوپۆشی (الزی الموحد) لەنێو خوێندکارانی زانکۆی ڕاپەڕین لەپێناو بەرژەوەندیی خوێندکاراندا، وا بڕیارە لەم هەفتەیەدا لە ڕیگەی چەند لیژنەیەکەوە ڕاپرسییەک لە ناو خوێندکارانی زانکۆمان لەسەر ئەو پرسە ساز بکرێت .

بەپێی نوسراوی ژمارە (٧٣٦/٢٩/٧) لە (٢٠١٧/٢/٢٠) کە یاریدەدەری سەرۆکی زانکۆ بۆ کاروباری خوێندکاران ئاراستەی گشت کۆلێژ و بەشەکانی زانکۆ کردووە، تیایدا هاتووە لەماوە ئەم هەفتەیەدا لەڕێگەی یاریدەری ڕاگر و سەرۆک و بڕیاردەری بەشەکانەوە، بەرچاوڕونی تەواو بدەنە خوێندکاران و پێویستی و بایەخی جێبەجێکردنی پەیڕەوی (هاوپۆشی)یان بۆ ڕوونبکەنەوە، بۆ ئەوەی بتوانین لە هەفتەی داهاتوودا و لە یەک کاتدا لە هەموو زانکۆ ڕاپرسیەکی شەفاف لەسەر ئەو پرسە لە زانکۆمان ئەنجام بدرێت، بۆ ئەوەی ئەنجامی ڕاپرسیەکە و دوا بڕیار بدەینە دەست خوێندکاران خۆیان، هەروەک لە نوسراوەکەدا چەند هۆکارێک خراونەتەڕوو بۆ جێبەجێکردنی پەیڕەوی هەوپۆشی لەناو خوێنداکارانی زانکۆمان.

پێشکەشکردنی داواکاری بۆ زەمالەی حکومەتی کۆریا ئێستا کراوەیە ، ئەم زەمالەیە بۆ خوێندکارانی (١٦٧) وڵاتە و (٧٠٠) زەمالەی خوێندنی ماستەر و دکتۆرا لەخۆ دەگرێت و عێراقیش یەکێکە لەو وڵاتانە کە خوێندکارەکانی دەتوانن پێشکەشی ئەم زەمالەیەی بکەن.
 زەمالەی کۆریا ئامادەکراوە بۆ ڕەخساندنی دەرفەتی خوێندنی باڵا بۆ خوێندکارانی نێودەوڵەتی لە کۆریا بە مەبەستی بەرەوپێشبردنی ئاڵوگۆڕی پەروەردەیی نێودەوڵاتی و دۆستایەتی دوولایەنە لە نێوان وڵاتە بەشداربوەکان. ئەم زەمالەیە لەلایەن حکوومەتی کۆماری کۆریاوە پارەی بۆ تەرخانکراوە و لەلایەن وەزارەتی پەروەردەی ئەو وڵاتە بریکاری تایبەت بە جێبەجێکردنی ئەو پڕۆگرامە دیاریکراون کە سەر بەدامەزراوەی نیشتمانی کۆریان بۆ پەروەردەی نێودەوڵەتی.

له‌ چوارچێوه‌ی ڕێكه‌وتننامه‌ی نێوان وه‌زاره‌تی خوێندنی باڵا و توێژینه‌وه‌ی زانستی هه‌رێمی كوردستان و وه‌زاره‌تی توانسته‌مرۆییه‌كانی هه‌نگاریا، وه‌زاره‌تی خوێندنی باڵای حکومەتی هەرێم سی زەمالە (١٠ ماستەر و ٢٠ دکتۆرا) بۆ فێرخوازان و هاوڵاتیانی هەرێمی کوردستان ڕاده‌گه‌ێنێت.
بۆیه‌ هه‌ر كه‌سێك مه‌رجه‌كانی تێدایه‌ و ئاره‌زووی خوێندن له‌و وڵاته‌ ده‌كات، تكایه‌ تا واده‌ی دیاریكراو كه‌ (٢٠١٧/٣/٥)یه‌ فۆرمی تایبه‌ت به‌و زه‌ماله‌یه‌ پڕ بكه‌نه‌وه‌.