وەزارەتى خوێندنى باڵاو توێژینەوەى زانستى حکومەتى هەرێمى کوردستان رایدەگەنێت هەموو ساڵێک بەهۆى درێژکردنەوەى ماوەى (زانکۆلاین) پرۆسەى وەرگرتن و دەستپێکردنى خوێندن لە زانکۆ و پەیمانگەکان دواکەوتووە، ئەمساڵیش بۆ چارەسەرکردنى ئەم کێشەیە وەزارەتەکەمان لە دوو ڕێگەوە هەوڵى داوە پرۆسەى خوێندنى قۆناغى یەکەم لەکاتى دیارکراوى خۆیدا دەستپێبکات:

یەکەم: جێبەجێکردنى بەرنامەى وەرگرتنى راستەوخۆى زانکۆیى لە زانکۆ و پەیمانگە حکومییەکانى هەرێمى کوردستان، کە بۆ یەکەم جارە ئەم پرۆسەیە جێبەجێ بکرێت، بەمەش ئەنجامەکانى وەرگرتنى راستەوخۆى زانکۆیى راگەیەنراوەو لەهەفتەى داهاتوودا ئەو خوێندکار قوتابیانەى بەم شێوەیە وەرگیراوون دەست بەپرۆسەى خوێندن دەکەن. بەمەش پرۆسەى خوێندن دواناکەوێت.

وەزارەتى خوێندنى باڵاو توێژینەوەى زانستى ئاگادارى دەرچوانى پۆلى (١٢)ى ئامادەیى دەکات پەلە بکەن لە پڕکردنەوەى فۆرمى (زانکۆلاین) چونکە سەعات ١٢ى ئەمشەو سایتى (زانکۆ لاین) دادەخرێت و ماوەکەى درێژناکرێتەوە.

عەباس ئەکرەم وتەبێژى وەزارەتى خوێندنى باڵاو توێژینەوەى زانستى ئاگادارى دەرچووانى (١٢) ئامادەیى دەکات، سەعات ١٢ى ئەمشەو شەو زانكۆ لاین دادەخرێت، بۆیە لەو چەند سەعاتەى ماوە ئەو دەرچووانەى تا ئێستا فۆڕى (زانکۆلاین) یان پڕنەکردۆتەوە هەوڵەکانیان بەتەواوەتى چڕکەنەوەو پەلە بکەن بۆ پڕکردنەوەى فۆرمى (زانکۆلاین)، بۆ ئەوەى مافیان نەفەوتێت و لەو بەش و کولێژانە وەربگیرێن کە خوازیارن تێیاندا درێژە بەخوێندن بدەن.

لیژنەی باڵای ئاهەنگی دەرچوون لەزانكۆی راپەڕین ئاگاداری سەرجەم دەرچووانی خولی یەكەم و دووەمی زانكۆمان دەكاتەوە كە ئاهەنگی دەرچوونیان لە رۆژی (2016/11/8) لەهۆڵی زین لەشاری رانیە كاتژمێر (10:30) بەڕێوەدەچێت.  خوێندكاران دەتوانن لەرۆژانی (6 - 7 / 11 / 2016) لە فاكەڵتیەكانیان رۆبی دەرچوون وەربگرن، و لەهەمان كاتدا پێویستە لەرۆژی (2016/11/8 ) لەدوای تەواوبوونی رێورەسمی دەرچوون رۆبەكان بگەڕێننەوە بۆ فاكەڵتیەكانیان.