ئەمڕۆ سێ شەممە ٢٠١٦/١١/٨‌، لەژێر دروشمی (بە زانست و زانین، کوردستان ئاوەدانتر دەکەینەوە) ڕێوڕەسمی پێنجەمین خولی دەرچووانی زانکۆی ڕاپەڕین، بە ئامادەبوونی مامۆستایان و لێپرسراوانی حکومی و، کەسوکاری دەرچوان لە هۆڵی زین لە شاری ڕانیە بەڕێوەچوو، لە ڕێوڕەسمەکەدا بڕوانامەی بەکالۆریۆس بە (٧٦٦) دەرچوو لە (٤) فاکەڵتی و کۆلێژێکی زانکۆی ڕاپەڕین لە پسپۆڕییە جیاوازەکانی بەخشرا .
ئاهەنگەکە بەهاتنەناوەوەی ستافی ئەنجومەنی زانکۆ، کەژاوەی ده‌رچووان ‌و مامۆستایانی زانكۆ دەستیپێکرد، پاشان چەند ئایەتێک لە قورئانی پیرۆز خوێندرایەوە، بەدوایدا ئامادەبوان بەساتێک ڕاوەستان ڕێزیان لە شەهیدانی ڕێگەی ڕزگاری کوردستان گرت.

میوانە بەڕێزەكان..
مامۆستا و فەرمانبەرانی زانكۆمان..
خوێندكارانی ئازیز..
بەناوی ئەنجوومەنی زانكۆی ڕاپەڕینەوە بەخێرهاتنێكی گەرمتان دەكەین و سەری ڕێز بۆ شەهیدانی رێگای رزگاری كوردستان دادەنەوێنین و ڕێز لە قوربانی و ماندوبوونی برا پێشمەرگەكانمان دەگرین، ئەم ئارامیەی هاتۆتە دەست بەرهەمی قوربانیدانی ئەوانە، بۆیە لێرەوە بەڵێن دەدەین كە لە ئاست قوربانیدانی ئەواندا بین.
بەڕێزان ئەمڕۆ ڕۆژێكی گرنگە لە مێژووی زانكۆمان و دەڤەرەكەمان كەوا سەركەوتوانە ئاهەنگی دەرچوانی خولی پێنجەم بۆ خوێندكارانی سەركەوتوو دەگێڕین كە بەرهەمی چەندین ساڵەی شەونخونی و ماندوبوونی خۆیان و خانەوادەكانیانە. بەدڵنیاییەوە ئەم كۆتاییە سەرەتایەكی نوێیە بۆ خوێندكارانی خۆشەویست كە لێرەوە دەتوانن درێژە بە ڕەوتی خوێندن بدەن و هەوڵی دۆزینەوەی كار بدەن و كار بكەن بۆ سەرخستن و هێنانەدی خەونی خۆتان و خانەوادە و گەلەكەشمان.
بەڕێزان :
زانكۆمان سەرەڕای چەندین قەیران كە بەرۆكی گەلەكەمانی گرتووە، سەركەوتوانە توانیویەتی تا ئێستا درێژە بە ڕەوتی خوێندن بدات، بۆیە ئەم بۆنەیە دەقۆزینەوە تا تێیدا سوپاسی بێ پایانمان ئاڕاستەی مامۆستا و فەرمانبەران بكەین كە لەخۆبووردوانە نەیانهێشتووە ئەم پڕۆسە گرنگ و چارەنوسسازە پەكی بكەوێت.
هەروەها سوپاسی خوێندكارانی خۆشەویست دەكەین كە لە سەرجەم كات و ساتەكاندا هەماهەنگ و هاوكاربوون لەگەڵ مامۆستا و بەشە زانستیەكانیان.
خۆشەویستان:

سەرۆکایەتی زانکۆی راپەڕین رایدەگەیەنێت کە رۆژی شەممەی داھاتوو (١٢ /١١ /٢٠١٦) دەوامی فەڕمی خوێندن لەسەرجەم فاکەڵتی و بەشەکانی زانکۆی راپەڕین دەست پێدەکاتەوەو ھاوکات خوێندکاران دەتوانن لەرۆژی سێشەممە (٨ /١١ /٢٠١٦) بەشە ناوخۆیی وەربگرن.
دوای ئەوەی سەرۆکایەتی زانکۆی راپەڕین گفتوگۆی وردی لەگەڵ زۆرینەی ستافی وانەبێژی زانکۆ کرد، بەھەماھەنگی لەگەڵ زانکۆکانی دیکەی سنورەکە کە دەوام تیایاندا وەستابوو، ھەروەھا بەلەبەرچاوگرتنی بەرژەوەندی خوێندکاران و نەفەوتانی ساڵێکی خوێندنیان بڕیاریدا کە رۆژی شەممەی داھاتوو یەکەم رۆژی دەستپێکی دەوامی خوێندن بێت، ھەروەھا لەرۆژی سێشەممەشەوە خوێندکاران دەتوانن سەردانی بەشە ناوخۆییەکان بکەن بۆ وەرگرتنی بەشی ناوخۆیی.