فاکەڵتی زانست/بەشی بایۆلۆجی ئاگاداری خویندکارانی قۆناغەکانی (دوو،سێ،چوار) دەکاتەوە، ڕۆژی چوار شەممە ڕێکەوتی ٢٠١٦⁄١٢⁄٧ دەوامی خوێندنیان دەستپێدەکات، پێویستە خوێندکاران ئامادەی هۆڵەکانی خوێندن بن .

سەبارەت بە خوێندکارانی قۆناغی یەکەم، ڕۆژی شەممە ڕێکەوتی ٢٠١٦⁄١٢⁄١٠ دەستپێکی ساڵی نوێی خوێندنیان دەبێت، پێویستە خوێندکاران پابەند بن بە دەوامی فەرمی بەشەکە.

سەرۆکایەتی زانکۆی ڕاپەڕین ئاگاداری سەرجەم ئەو خوێندکارانە دەکاتەوە، کە بۆ ساڵی خوێندنی (۲۰۱٥-۲۰۱٦) لە بەشی سامانی ئاژەڵ وەرگیرابوون، بەڵام بەهۆی زۆری ژمارەی خوێندکاران و کەمی هۆڵەکانی خوێندن ، خوێندنەکەیان دواخرا بۆ ئەمساڵی خوێندن (۲۰۱٦-۲۰۱۷) ، زانکۆمان بۆ خوێندنی ئەمساڵ بەشی باخداری کردووەتەوە، کە ئەمساڵ تەنیا خوێندکارانی وەرگیراوی ساڵی پار لەبەشی سامانی ئاژەڵ، ئەوانەی خوێندنیان دواخراوە، دەتوانن داواکاری پێشکەش بکەن بۆ گۆڕینی بەشەکەیان.

زانکۆی ڕاپەڕین/ بەڕێوەبەرایەتی دارایی، ئاگاداری گشت فەرمانبەران و مامۆستایانی (میلاک+گرێبەست)ی زانکۆمان دەکاتەوە، بە مەبەستی پڕکردنەوەی فۆڕمی "بایۆمەتری" سیستەمی بە ئەلکترۆنیکردنی تۆماری موچەخۆرانی هەرێمی کوردستان ڕۆژانی (یەکشەممە،دوو شەممە،سێ شەممە)  ڕێکەوتی ٤-٥-٦ / ۱۲ / ۲۰۱٦، سەردانی بانکی مەرکەزی ڕانیە بکەن بە مەبەستی پڕکردنەوەی فۆرمەکە، بە پێچەوانەوە خۆیان بەرپرسیار دەبن.