سێنتەری زمان لە زانکۆی ڕاپەڕین ئاگاداری فێرخوازان دەکاتەوە، لە دەسپێکی ساڵی نوێدا کۆرسی ئامادەکاری (IELTS) و فێرکاری و بەهێزکردنی زمانەکانی ئینگلیزی و عەرەبی و فارسی دەکاتەوە، سێنتەرەکەمان لەپێناو بەرژەوەندی گشتی و بە لەبەرچاوگرتنی باری دارایی هاوڵاتیان نرخی کۆرسەکانی کەمکردەوە بۆ بڕی (۳٥۰٫۰۰۰) سێ سەد و پەنجا هەزار دینار، ئەمەش لەپێناو بەشداریکردنی زۆرترین ڕێژەی فێرخوازان، هەروەک بەشداریکردن لە کۆرسەکەدا کراوەیە بۆ هەموو کەسێک، بۆ ئەو مەبەستە هەر فێرخوازێک ئارەزووی بەشداریکردنی هەیە دوای خوێندنەوەی ڕێنماییەکانی کۆرسەکە، دەتوانێت ناوی خۆی تۆمار بکات بەڕێگەی ئۆنلاین.

کۆرسەکان پێک دێن لە:
١. کۆرسی ئامادەکاری IELTS
٢. کۆرسی فێربونی زمانی ئینگلیزی بۆ سەرجەم ئاستەکان
٣. کۆرسی فێربوونی زمانی عەرەبی.
٤.کۆرسی فێربوونی زمانی فارسی.

 ڕاگرایەتى فاکەڵتى زانستەمرۆڤایەتییەکان/ئێواران، ئاگادارى سەرجەم ئەو خوێندکارانە دەکاتەوە کە بۆ ساڵى خوێندنی (٢٠١٥-٢٠١٦) ناویان دەرچووە بۆ خوێندنى ئێواران لەسەرجەم بەشەکانى فاکەڵتیمان، ڕۆژى سێ شەممە، بەروارى (٢٠١٦/١٢/٢٠)، کاتژمێر (٤:٠٠)ى ئێوارە، یەکەم ڕۆژى دەوامى فەرمی خوێندنى ئێواران دەبێت لە هەرچوار بەشى (یاسا، کارگێڕى، مێژوو، جوگرافیا)، بۆ ئەو کاندیدانەى کە تاوەکو ئێستا پەیوەندی (مباشرە) یان نەکردووە، ڕۆژانی (یەکشەممە و دووشەممە)، ڕێکەوتی (١٨ و ١٩/ ٢٠١٦/١٢). دوا کات دەبێت بۆ پەیوەندی کردن، دواى ئەو بەروارە فەرمانی وەرگرتنیان هەڵدەوەشێتەوە و خوازیارى یەدەگ لە شوێنیان دادەنرێت.

زانکۆی ڕاپەڕین ئاگاداری خویندکارانی قۆناغی یەکەم لە سەرجەم فاکەڵتی و کۆلێژ و بەشەکانی دەکاتەوە، لە ڕۆژی شەممەوە ڕێکەوتی ۲۰۱٦/۱۲/۱۰، دەستپێکی ساڵی خوێندنی (۲۰۱٦-۲۰۱۷) دەبێت، پێویستە خوێندکاران ئامادەی هۆڵەکانی خوێندن بن و، پابەند بن بە دەوامی ئاسایی زانکۆوە .