لەماوەی رابردوودا فرمانێكی وەزارەتی خوێندنی باڵاو توێژینەوەی زانستی هەرێم دەرچووێنرا كە تێیدا هاتبوو كە دەرچووانی تواناسازی دوای (٥)ساڵ خزمەتكردن مافی خوێندنی دكتۆرایان دەبێت بەڵام بەپێی گشتاندنێكی وەزارەتی خوێندنی باڵاو توێژینەوەی زانستی كە رۆژی ١/ ٦ / ٢٠١٤ دەرچووەو گشتاندنی پێكراوە تێیدا هاتووە كە دەرچووانی تواناسازی لەدوای (٢) ساڵ خزمەت دەتوانن داواكاری بۆ خوێندنی دكتۆرا پێشكەش بكەن.

لەسەرەتای مانگی حوزەیرانی 2014 داو لەمیانی سەردانی پ.د. محمد عەلی سەرۆكی زانكۆی راپەڕین بۆ وڵاتی توركیا بەمەبەستی بەشداریكردنی كۆنگرەیەكی زانستی زانكۆكانی جیهان پڕۆتۆكۆڵێكی زانستی لەگەڵ زانكۆی "سلێمان شا"ی ئەو وڵاتەدا مۆركرد.

رۆژانی 6-7 حوزەیرانی 2014،.پ.د.محمد علی سەرۆكی زانكۆی راپەڕین بەشداری چوارەمین كۆنگرەی نێودەوڵەتی دەربارەی "ئاراستەكانی خوێندنی باڵا- "Academic Entrepreneurship"."ی لەشاری ئیستانبوڵی توركیا کرد كە لەلایەن رێكخراوی زانكۆكانی جیهان و زانكۆی فاتیح رێكخرابوو.