کۆلێژی پەرستاری لەزانکۆی راپەڕین لەچەند رۆژی رابردوودا وۆرکشۆپێکی بۆ گەشەپێدانی پڕۆگرامی خوێندن رێکخست.
وۆرکشۆپەکە کە ماوەی دوو رۆژی خایاند لەرۆژانی ١٢ - ١٣ / ١١ /٢٠١٦، لەکۆلێژی پەرستاری لەکەپەسی رانیە بەئامادەبوونی راگری کۆلێژی پەرستاری بەڕێز پرۆفیسۆری یاریدەدەر د. سەنا حسن و ئامادەبوونی ستافی زانستی لەکۆلێژەکە بەڕێوەچوو، لەمیانی رۆژانی وۆرکشۆپەکەدا گفتوگۆ دەربارەی گەشەپێدانی زیاتری پڕۆگرامی خوێندنی پەرستاری کرا لەزانکۆی راپەڕین بەشێوەیەک کە ستانداری جیھانی بێت.

رۆژی پێنج شەممە ١٠ / ١١ /٢٠١٦، لەھۆڵی فاکەڵتی یاسا و ڕامیاری زانکۆی سلێمانی، گفتوگۆی ماستەرنامەی خوێندکاری خوێندنی باڵا ( ابراهیم عمر ابراهیم ) لە بواری یاسادا ئەنجامدرا.
ماستەرنامە بەناونیشانی (گرێبەستی بریكاری وەرزشی) (عقد الوكالة الریاضية)، بەسەرپەرشتی (پ.د.محمد سلیمان احمد) مامۆستا لە زانکۆی سلێمانی نوسراوە، لەرێگەی لیژنەیەکی زانستییەوە تاوتوێی ماستەرنامەکەی ناوبراو ئەنجامدرا .

راگەیاندنی زانکۆ

ئەمڕۆ چوارشەممە ٢٠١٦/١١/٩، بەڕێز "د.مۆفەق خالید ابراهیم" سەرۆکی زانکۆ و، "م.ئاراز رمضان" بەڕێوەبەری پەیوەندییەکان و ڕاگەیاندنی زانکۆ، پێشوازی لە وەفدێکی مەڵبەندی حەوتی یەکگرتووی ئیسلامی کوردستان کرا، کە پێکهاتبوون لە بەڕێزان لێپرسراوی مەڵبەند و کارگێڕ و بەڕێوەبەری پەیوەندییەکانی مەڵبەند و لێپرسراوی لقی قوتابیانی ڕانیە.

دوای بەخێرھاتنی وەفدەکە، سەرۆکی زانکۆی راپەڕین، مێژوو و گەشەسەندنی زانکۆی راپەڕین و بایەخی زانکۆکەی بۆ کوردستان بەگشتی و سنوری ئیدارەی ڕاپەڕین بەتایبەتی بۆ وەفدی میوان ڕوونکردەوە، ھەروەک باس لەگەشە زانستییە بەردەوامەکانی زانکۆی ڕاپەڕین کرا.